Azərbaycan, Gəncə, 28 aprel/ Trend , müxbir V.Məmmədov, S.Babayeva/ Bu il Azərbaycanda buğda istehsalı 2,3 mln. ton həcmində proqnozlaşdırılır. Bu barədə bazar ertəsi kənd təsərrüfatı nazirinin müavini Aslan Aslanov məlumat verib.
"134 min ha sahədə əlavə taxıl səpini həyata keçirilib və bunun 114 min ha buğdadır", - o bildirib.
Bu il Azərbaycanda payız taxıl əkini 818 min ha sahədə həyata keçirilib və bunun 601 min ha buğdanın payına düşür.
Nazir müavininin sözlərinə görə, bu gün ölkədə təqribən 600 min ton taxıl ehtiyatı var. Ölkənin taxıla olan illik tələbatı 3 mln. ton təşkil edir və bunun 1,5 mln. tonunu ərzaq taxılı təşkil edir.