Azərbaycan, Bakı, 20 may / Trend , müxbir E.İsmayılov/ Nəqliyyat Nazirliyi bu ilin sonunadək Bakıya 50 ədəd "MAN" və 30 ədəd "MAZ" markalı avtobus gətirməyi planlaşdırır. Bu haqda Dövlət İdarəsindən məlumat verilib. Bu avtobuslar böyük həcmlidir və böyük prospekt və küçələr üçün nəzərdə tutulub.
Azərbaycanın Nəqliyyat Nazirliyi və Koreyanın "Daewoo" şirkəti dünən, Azərbaycana 300 avtobusun gətirilməsi haqqında saziş imzalayıb. Sözügedən avtobuslar yaxın günlərdə Azərbaycana gətiriləcək. Görüş zamanı iki tərəf arasında bu ilin sonunadək Azərbaycana daha 700 avtobus gətirilməsi haqqında memorandum imzalanıb. Sözügedən avtobuslar texniki parametr və rahatlığı ilə əvvəllər Bakıya gətirilmiş avtobuslardan seçiləcəklər.
Əvvəllər Bakıda istifadə olunan avtobuslar nazirliyin texniki tələblərinə, həmçinin, Azərbaycan Respublikasının prezidenti İlham Əliyevin fərmanı çərçivəsində həyata keçirilən Bakı şəhərinin nəqliyyat infrastrukturunun təkmilləşdirilməsi proqramına cavab verməyib.
