Azərbaycan, Bakı, 22 may/ Trend müxbir E.İsmayılov/ Koreyanın Dongsung Engineering şirkəti Bakı buxtasında ilkin dəyəri $1,4 mlrd. olan körpünün tikintisi layihəsinin texniki-iqtisadi əsaslandırılmasını və dizaynını hazırlayacaq. Bu barədə çərşənbə günü Azərbaycanın nəqliyyat nazirinin müavini Musa Pənahov məlumat verib. Bundan sonra layihənin reallaşdırılmasına başlanılacaq.
İlkin dizayna əsasən, dəniz hissəsinin uzunluğu 14 km təşkil edəcək. beş il ərzində bu körpünün tikintisi ilə bağlı işləri başa çatdırmaq planlaşdırılır. Bu layihədə Azərbaycanın sərmayəsi olmayacaq. Pənahov bildirib ki, layihənin reallaşdırılması üzrə bütün işləri, həmçinin körpünün istismarını istehsalçı şirkət həyata keçirəcək.
Bu körpü Bakı buxtasının iki qurtaracağını (Bayıl və Zığ qəsəbələri rayonunda) birləşdirməli və Bakı şəhərinin nəqliyyat infrastrukturunun yüngülləşdirilməsinə yardım etməlidir.
Müəlliflə əlaqə saxlamaq üçün elektron ünvan: [email protected]