...

Azərbaycan yeni "ATR" markalı təyyarə əldə edib

Biznes və iqtisadiyyat xəbərləri Materials 18 İyun 2008 15:17 (UTC +04:00)

Azərbaycan, Bakı, 18 iyun / Trend , müxbir E.İsmayılov / "Azərbaycan Hava Yolları" ("AZAL") Qapalı Səhmdar Cəmiyyəti (QSC) Fransa istehsalı olan "ATR" markalı dördüncü təyyarəni əldə edib. Bu barədə çərşənbə günü "AZAL"dan bildirilib.

"ATR" markalı üçüncü təyyarə şirkət tərəfindən mayın ikinci yarısında əldə olunub və hazırda Bakı-Mineralnıye Vodı-Bakı marşrutu üzrə avia reyslər həyata keçirir.

"ATR" markalı beşinci təyyarənin iyulun əvvəlində, altıncı təyyarənin isə sentyabrıda əldə olunması planlaşdırılır.

Ötən il konsern sözügedən istehsalçının iki hava gəmisini əldə edib.

AZAL-dan bildirilib ki, bu təyyarələr, əsasən daxili və regional marşrutlarda istifadə olunacaq. Yeni təyyarələr ilk növbədə Naxçıvan, Gəncə, Lənkəran və Zaqatala hava limanlarına uçuşlar həyata keçirmək üçün istifadə olunacaq.

Dövlət Konserni "ATR" markalı təyyarələri istehsal edən Fransa avia tikinti müəssisəsində iki "ATR - 42-500S" və dörd "ATR - 72-500S" təyyarəsinin alınması ilə bağlı sifarişini yerləşdirib. Müqavilənin ümumi dəyəri təxminən $97,2 mln. təşkil edir.

Fransanın şirkət nümayəndələrinin əvvəllər qeyd etdiyi kimi, Azərbaycanın altı yeni təyyarə əldə etməsi "Antonov" və "Tupolev" təyyarələrini dəyişərək təyyarə parkını yeniləməyə və yeni regional marşrutlar həyata keçiməyə imkan yaradacaq.

Müəlliflə əlaqə saxlamaq üçün ünvan: cap

Xəbər lenti

Xəbər lenti