Azərbaycan, Bakı, 12 iyul / Trend , müxbir İ.Xəlilova/ Azərbaycanın Vergilər Nazirliyi "Nurgun Group" Holdinqinin "Nurgun Finance" MMC maliyyə şirkətini qeydiyyata alıb. Nazirlikdən bildiriblər ki, şirkət hər biri 50 faizlik iştirak payına məxsus olan "Nurgun Group" və "Nurgun Motors"un təsisçiliyi ilə yaradılıb.
"Nurgun Finance"ın Nizamnamə kapitalı 40 manat səviyyəsində ödənib. Şirkətin rəsmi nümayəndəsi Oqtay Rüstəmovdur.
"Nurgun Group" 1995 -ci ildə yaradılıb və bu gün ölkədə brendli istehlak malları, qida məhsulları və avtomobilllərin iri distribütoru hesab edilir.
"Nurgun Group" Holdinq şirkətinə bu miüəssisələr daxildir: "Nurgun Construction" (Çoxmərtəbəli binaların tikintisi və PVÇ qapı və pəncərə istehsalı ilə məşğul olur); "Nurgun Trading" (Qida məhsullarını idxal edir və reallaşıdır); "Nurgun Motors" ("Nissan" avtomobillərinin satışı ilə məşğul olur); "PNC Motors" ("Peugeot" avtomobillərinin satışı ilə məşğul olur); "FNC Motors" ("Ford" avtomobillərinin satışı ilə məşğul olur); "Continental" super marketlər şəbəkəsi.
Məqalə müəllifi ilə əlaqə ünvanı: capital