Azərbaycan, Bakı, 15 iyul/ Trend , müxbir İ.Xəlilova/ Azərbaycan İnvestisiya Şirkəti (AİŞ) və Özəl sektorun İnkişafı İslam Korporasiyası (İCD) tərəfindən təsis edilmiş Caspian International Investment Company iyulun sonu -avqustun əvvəlində tam fəaliyyətə başlayır. Bu barədə çərşənbə axşamı AİŞ -in icraçı direktoru Anar Axundov məlumat verib. İnvestisiya şirkətinin təşkilati strukturu artıq formalaşdırılıb.
İyunda Bakıda keçirilmiş investisiya konfransının yekunları üzrə CİİC-ə investisiya yatırmağa hazır potensial investorlar müəyyən edilib. İlin sonunadək CİİC Fars körfəzi ölkələrindən (Səudiyyə Ərəbistanı, Bəhreyn, BƏƏ) şirkətlərlə sərmayələrin cəlb edilməsi üzrə "dəqiq" danışıqlar aparmağı planlaşdırır.
"Biz sərmayədarlardan $70 mln.-a yaxın vəsait cəlb etməyi planlaşdırırıq, - Axundov söyləyib. Maraq böyükdür və ən başlıcası, bu, bazara daxil olmaqdır".
Onun rəyinə görə, sahibkarlarda da növbəti maliyyə kanalı yaranıb və AİŞ, CİİC və ya kommersiya bankları ilə işləmək qərarı onlar tərəfindən qəbul olunacaq. Hazırda layihələrin hazırlanması aparılır, onlardan biri payızdan gec olmayaraq təsdiq edilə bilər.
Layihələr üzrə investisiya qərarları CİİC-in Müşahidə Şurasında qəbul ediləcək. CİİC-in nəzərdən keçirdiyi layihələr kommersiya daşınmaz əmlakı (ofislər və binalar), turizm, loqistika və infrastruktur sahələrinə toxunur.
Strategiyaya əsasən, səromayələr şəriət prinsiplərinə zidd olan spirtli içkilər və donuz ətindən olan məhsulların istehsalı üzrə müəssisələr, həmçinin, standart maliyyələşdirmə və sığorta xidmətlərinin göstərilməsi şərtləri ilə fəaliyyət göstərən banklar və sığorta təşkilatları istisna olmaqla, iqtisadiyyatın real sektorunda həyata keçiriləcək.
Caspian International Investment Company (CIIC) 2008 -ci ilin martında ilkin mərhələdə 2,95 mln. manat kapitalla Qapalı Səhmdar cəmiəyyət kimi təsis edilib. AİŞ -in iştirak payı 25 faiz təşkil edəcək və onun ödənilməsi üçün $14 mln. verəcək. Şirkət təkcə AİŞ və İCD-nin (ilkin mərhələdə onun iştirak payı 75 faiz təşkil edəcək) deyil, həm də Yaxın Şərq və Fars körfəzindən olan sərmayədarların vəsaitləri hesabına formalaşdırılacaq.
İyulun 15-nə olan cari məzənnə - 0,8051 AZN/USD.
Müəlliflə əlaqə saxlamaq üçün elektron ünvan: [email protected]