Azərbaycan, Bakı, 15 avqust / Trend , müxbir Ü. İsmayılova/ Azərbaycanın Maliyyə Nazirliyi "Gunay Anadolu Sigorta" ASC Azərbaycan -Türkiyə birgə sığorta şirkətinə sığorta fəaliyyəti göstərmək üçün müddətsiz lisenziya verib. Bu barədə cümə günü nazirlikdən məlumat verilib.
Müddətsiz lisenziya şirkətə avqustun 14 -də verilib.
"Günay" Səhmdar Bankı və Türkiyənin "Anadolu Anonim" sığorta şirkəti "Gunay-Anadolu Sigorta"nın təsisçiləridir. Yanvar-iyun aylarının yekunları üzrə şirkət 0,17 mln. manat məbləğində sığorta haqqı toplayıb. Bu dövr ərzində şirkətin sığorta ödəmələri 0,04 mln. manata bərabər olub.
Nazirlik "Azerbaijan insurance broking" MMC və "AON Azeri Sigorta" MMC sığorta brokerlərinə də avqustun yeddisində müddətsiz lisenziya verib .
Azərbaycan sığorta şirkətlərinə müddətsiz lisenziyaların verilməsi 2008 - ci il martın 15 -də qüvvəyə minən "Sığorta fəaliyyəti haqqında" Qanunda nəzərdə tutulub.
Məqalə müəllifi ilə əlaqə ünvanı: capital
