Azərbaycan, Bakı, 22 avqust / Trend , müxbir Ü.İsmayılova/ Azərbaycanın İqtisadi İnkişaf Nazirliyi yanında İstehlak Bazarına Nəzarət üzrə Dövlət Komitəsi ərzaq məhsullarının keyfiyyətinin yoxlanılması üzrə labaratoriyanın tikintisi üçün 2 mln. manatın əldə olunmasından ötrü hökumətə təqdim olunacaq təkliflər hazırlayır. Bu barədə cümə günü Dövlət Xidmətinin rəhbəri Xaliq Məmmədov bildirib.
"Biz artıq xarici şirkətlərlə labaratoriya avadanlıqlarının gətirilməsi üzrə müqavilə bağlamışıq", - deyə Məmmədov bildirib.
Onun sözlərinə görə, Bakı şəhər İcra Hakimiyyəti paytaxtın Yasamal rayonunda labaratoriya üçün artıq yer ayırıb.
Ötən ilin noyabrında Dövlət Xidməti Latviyanın Ərzaq-Baytarlıq Xidməti ilə Azərbaycanda Milli Diaqnostik Ərzaq -Baytarlıq Mərkəzinin tikilməsinə dair memorandum imzalayıb. Latviyalı ekspertlər azərbaycanlı həmkarları üçün beynəlxalq standartlara cavab verən laboratoriyada iş üzrə məsləhətləşmələr aparacaq.
Hazırda Azərbaycanda beynəlxalq standartlara cavab verən laboratoriya yoxdur. Dövlət Xidməti ərzaq məhsularının keyfiyyətinin yoxlanılması zamanı problemlərlə üzləşir.
Azərbaycanın istehlak bazarına nəzarət üzrə Dövlət Xidmətinin Bakı. Naxçıvan, Gəncə, Xaçmaz, Cəllabad və Şəkidə laboratoriyaları var.
Məqalə müəllifi ilə əlaqə ünvanı capital