...

Bakıda torpaq bazarı ucuzlaşıb

Biznes və iqtisadiyyat xəbərləri Materials 22 Avqust 2008 17:59 (UTC +04:00)

Azərbaycan, Bakı, 22 avqust/ Trend , müxbir Ü.İsmayılova/ İyulda Bakının torpaq bazarında orta qiymət iyuna nisbətən 3,2 faiz - bir sota görə $24865-dək azalıb,- cümə günü "Əmlak Bazarı İştirakçıları" İctimai Birliyindən məlumat veriblər.

İyulda bazara təklif edilmiş 819 ha torpağın 76,3 faizini məskunlaşmamış sahələr təşkil edib.

Monitorinqin yekunlarına əsasən, iyulda Bakının ətraf rayonlarında torpaq sahələrinə böyük tələbat müşahidə olunub. Bu sahələr qiymət baxımından şəhərin mərkəzində təklif edilən sahələrdən geri qalır və ay ərzində torpaq sahələri qiymətlərinin ümumi azalması bunun hesabına baş verib.

İyulda ən fəal rayonlar Abşeron və Səbayıl (xüsusi və bağ evlərinin hesabına), Binəqədi (sənaye müəssisələri sahələrinin təmizlənməsi hesabına), Sabunçu (boş sahələrin hesabına) olub. Ən passiv rayonlar Nəsimi və Qaradağ rayonları olub.

İyulda torpaq sahəsinin ekspozisiya müddəti üç faiz - 172 günədək artıb ki, bu da şəhərin mərkəzində təkliflərin azalması, sahələrin real qiymətdən baha təklif edildiyi şəhərin III və IV zonalarında torpaq sahələrinin təklifi ilə bağlıdır.

İyulda Bakıda ən bahalı sahə - sotu $40 min- Nərimanov rayonunda, ən ucuz isə, bir sotu $500 - Sabunçu rayonunda təklif edilib.

Ötən aylarla müqayisədə, Bakının Suraxanı rayonunda 29,5 faiz nəzərə çarpacaq artım-Binəqədi rayonunda isə, 12,3 faiz azalma müşahidə olunub.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti