...

Bakı Metropoliteni yeni metro stansiyasının tikintisini başa çatdırıb

Biznes və iqtisadiyyat xəbərləri Materials 27 Avqust 2008 13:27 (UTC +04:00)

Azərbaycan, Bakı, 27 avqust / Trend , müxbir E.İsmayılov/ İki-üç gün ərzində Azərbaycanın paytaxtında yerləşən "Nəsimi" metro stansiyasında sınaq qatarı buraxılacaq, - çərşənbə günü Bakı Metropolitenindən deyiblər.

"Tikinti üzrə işlər başa çatıb, iki-üç gündən sonra xəttə sınaq qatarı buraxılacaq", - Metropolitendən bildiriblər.

"Bakının 6-cı və 9-cu mikrorayonları ərazisində yerləşən metronun yeni stansiyası vaxtında - sentyabrın 15-də istismara veriləcək", - Metropolitendən deyiblər.

Bakı Metropoliteni "İçəri Şəhər" stansiyasından "Nəriman Nərimanov" stansiyasınadək üç aralıq stansiya ilə 1967-ci ildən fəaliyyət göstərir. Metropolitenin yeddi stansiyası ("İçəri Şəhər", "Sahil", "28 may", "Cəfər Cabbarlı", "Xətai", "Nizami", "Elmlər Akademiyası") dərin enişli, "Bakmil" - yerüstü, qalanları isə sütunlu, dayaz enişlidir (cəmi 20 stansiya).

Xəbər lenti

Xəbər lenti