Azərbaycan, Bakı, 27 avqust / Trend , müxbir İ.Xəlilova/ Bakı Fond Birjası (BFB) yeni ticarət sisteminə keçidə başlayır. Bununla əlaqədar sentyabrın əvvəlində Moskvanın İNİST şirkətinin - proqram təminatçısının nümayəndələrinin səfəri gözlənilir, Fond Birjasının İdarə Heyətinin sədri Xəyal Abdinov bildirib.
"Şirkət artıq proqram təminatının (PT) draft-versiyasını təqdim edib. Səfər zamanı bu versiyanı quraşdıracaq və sınaqdan keçirəcəklər", - Abdinov.
Fond Birjassı texniki proqram vasitələrinin (server kompleksi, PT) dərin təkmilləşdirilməsinə başlayıb, belə ki, birjada istifadə edilən ticarət sistemi artıq köhnəlib. Serverlərin xidmət müddəti altı-yeddi il olduğu halda, təxminən səkkiz il ötüb.
Ticarət sisteminin texnoloji baxımdan yenidən təchiz edilməsi birjanın imkanlarını genişləndirəcək. Broker şirkətlərinin məsafədən çıxış sistemindən istifadə edə bilməsi əsas üstünlük olacaq. Abdinovun sözlərinə görə, brokerlər də şəxsi proqramlarını yeniləməlidirlər.
Yeni ticarət sisteminə keçid yeni ilə başa çata bilər.
Moskvanın İNİST şirkəti Bakı Banklararası Valyuta Birjasını (BBVB) da proqram təminatı ilə təchiz edib. BBVB keçid prosesini yazda başa çatdırıb.
Avqustun 27-nə olan cari məzənnə -- 0,8137 AZN/USD.
Müəlliflə əlaqə saxlamaq üçün elektron ünvan: [email protected]
