Azərbaycan, Bakı, 30 avqust / Trend , müxbir Ü. İsmayılova/ Azərbaycan Əmlakın İdarə Olunması üzrə Dövlət Komitəsi "Bakı elektroavtomat" Səhmdar Cəmiyyəti səhmlərinin 99,34 faizinin satışına dair investisiya müsabiqəsi elan edib. Bu barədə rəsmi mətbuatda məlumat verilir.
Müsabiqədə həm yerli, həm də əcnəbi sərmayəçilər iştirak edə bilər. Maksimal məblğdə sərmayə təklif edən sərmayəçiyə üstünlük veriləcək.
Şirkətin Nizamnamə kapitalı 1,2 mln. manatdır. Buraxılmış səhmlərin sayı 627,9 min təşkil edir. Sənədsiz adlı bir səhmin nominal dəyəri iki manatdır. Müsabiqəyə təklif olunan səhmlərin sayı 623,6 min təşkil edir.
Səhmdar Cəmiyyətin öhdəlikləri - təqribən 626 min manat, o cümlədən əməkdaşların əmək haqları üzrə borclar - 58,1 min manat, debitor borcları - 74,3 min manat təşkil edir.
Sərmayəçilər beynəlxalq standartlara cavab verən texnologiyalar əsasında yüksək keyfiyyətli elektrik avadanlıqlarının istehsalının təşkilinə nail olmaq məqsəldilə, sərmayə qoyuluşunun istiqamətləri, məbləği və müddətləri göstərilməklə, investisiya proqramını təqdim etməlidirlər.
Müsabiqə oktyabrın 15-də Azərbaycan Əmlakın İdarə Olunması üzrə Dövlət Komitəsində keçiriləcək.
Məqalə müəllifi ilə əlaqə ünvanı: capital