Azərbaycan, Bakı, 10 sentyabr / Trend , müxbir Ü.İsmayılov/ Avqustda Bakının torpaq bazarında orta qiymət iyulla müqayisədə bir faiz - 1 sota görə $22117-dək artıb, "Əmlak Bazarı İştirakçılar" İctimai Birliyindən çərşənbə günü bildiriblər.
Avqustda bazara təklif olunan 876 ha torpağın 78 faizini məskunlaşmamış ərazilər təşkil edib.
Monitorinqin nəticələrinə əsasən, ötən ay Bakının şəhərətrafı və şəhərkənarı rayonlarında torpaq sahələrinə tələbatın azalması müşahidə olunub ki, bu da onların qiymətinin artmasının qarşısını alıb. Bundan əlavə, avqustda şəhərin mərkəzində, həmçinin Bakının torpaqların real dəyərindən çox baha olduğu III və IV zonalarında təkliflərin azalması qeydə alınıb.
Avqustda Azərbaycanın paytaxtında ən bahalı torpaq sahəsi 1 sotuna görə $42,5 min qiymətlə Nərimanov rayonunda, ən ucuz isə 1 sotuna görə $660 qiymətlə Sabunçu rayonunda təklif edilib.
Ötən aylarla müqayisədə Bakının Qaradağ rayonunda nəzərəçarpacaq artım (20,6 faiz), Binəqədi rayounda isə nəzərəçarpacaq azalma (6,7 faiz) müşahidə olunub.
Müəlliflə əlaqə saxlamaq üçün elektron ünvan: [email protected]
