...

Gürcüstanda müharibə risklərindən sığortalanmağa tələbat yaranıb

Biznes və iqtisadiyyat xəbərləri Materials 11 Sentyabr 2008 17:13 (UTC +04:00)

Azərbaycan, Bakı, 11 sentyabr / Trend , müxbir Ü.İsmayılova/ Gürcüstanın sığorta şirkətləri ev və binaların dağılması nəticəsində gürcü-osetin münaqişəsindən zərər çəkməyiblər, - cümə axşamı elektron poçtu ilə Gürcüstanın Maliyyə Nəzarəti Agentliyi nəzdində sığorta nəzarəti üzrə Departamentdən bildiriblər.

"Sığorta hallarının say və məbləğinin artımı barədə məlumat bizə hələ ki, daxil olmayıb", - Departamentdən deyiblər.

Əldə olunan məlumatlara görə, bu növ məlumatın daxil olması gözlənilmir, belə ki, sığorta növləri üzrə hərbi əməliyyatların gedişi müstəsna standart siyahıya (fors-major) daxil edilib.

Departamentdən bildiriblər ki, son vaxtlar yaranmış vəziyyətlə əlaqədar olaraq, sığorta xidmətləri istehlakçılarının əlavə sığorta məhsullarına ehtiyacı yaranıb. Bunlardan müharibə risklərindən sığortalanmaq sığortasını göstərmək olar.

Gürcüstanın iri sığorta şirkəti Aldagi BSI-dən telefonla bildirdiklərinə görə, şirkətlərə zərər dəyməyib, çünki mülkiyyətini sığorta etdirən sığortaçılara müharibə vəziyəti fors-major kimi göstərilən standart paketlər verirlər. Nəticədə şirkət yaranmış vəziyyətdə dəymiş ziyanı ödəmir.

Gürcüstanın sığorta nəzarəti üzrə Departamentdən onu da bildiriblər ki, hazırda təşkilat mövcud qanunvericiliyi yenidən nəzərdən keçirir və sığorta sahəsində yeni normativ aktlar hazırlayır. Sığorta fəaliyyətinə nəzarətə dair yanaşma da dəyişir.

"Bütün bu proses sığorta bazarını müasir tələblərə və mövcud beynəlxalq standartlara uyğun səviyyəyə gətrirməklə bağlıdır", - Departamentdən vurğulayıblar.

Xəbər lenti

Xəbər lenti