Azərbaycan, Bakı, 16 sentyabr/ TrendCap , müxbir E.İsmayılov/ Marabda - Qars dəmir yolu sahəsinin bərpası, yenidən qurulması və tikintisi üzrə Koordinasiya Şurası Bakı - Tbilisi - Qars dəmir yolu əlaqəsinin açılması layihəsi çərçivəsində, çərşənbə axşamı Bakıda "Marabda - Kartsaxi" MMC-nin 2007- ci il üzrə maliyyə hesabatlılığı auditinin yekunlarını təsdiqləyib.
Azərbaycan, Gürcüstan və Türkiyənin nümayəndələri çərşənbə axşamı işə başlayan iclasda 2008 - ci ilin birinci yarımilin yekunları və cari ilə planlaşdırılan işlərin həyata keçirilməsinə dair məsələləri nəzərdən keçirmək niyyətindədirlər.
İştirakçılar, görüş zamanı Gürcüstan ərazisində 29 kilometrlik Marabda-Tetri-Tskaro dəmir yolu sahəsinin bərpası və yenidən qurulmasının layihə - smeta sənədləşdirməsini nəzərdən keçirəcək, istismarın beşinci və onuncu ilində ötürmə və daşınma tələbatından çıxış edərək, Marabda - Kartsaxi dəmir yolu sahəsi və Axalkalaki stansiyasının bərpası və yenidən qurulması mərhələlərini müəyyən edəcəklər.
Tərəflər layihənin idarə edilməsi qrupunun Əsasnaməsinə baxacaq və onun rəhbərini təyin edəcək, "Marabda - Kartsaxi" MMC- nin 2008 - ci ilə olan büdcəsinə dəyişikliklərin edilməsinə dair məsələni nəzərdən keçirəcəklər.
Müəlliflə əlaqə saxlamaq üçün elektron ünvan: cap
