...

Azərbaycanda kənd təsərrüfatı məhsullarının qiyməti artıb

Biznes və iqtisadiyyat xəbərləri Materials 19 Sentyabr 2008 19:42 (UTC +04:00)

Azərbaycan, Bakı, 19 sentyabr/ Trend , müxbir S.Babayeva/ Cari ilin avqust ayında Azərbaycanda kənd təsərrüfatı məhsullarının istiehsal qiyməti, ötən aylarla müqayisədə, 1,3 faiz artıb. 2008 -ci ilin yanvar - avqustunda ötən ilin analoji dövr göstəricisinə nisbətdə 12,8 faiz artım müşahidə olunub. Bu barədə cümə günü Dövlət Statistika Komitəsindən bildiriblər.

Avqustda, iyul ilə müqayisdə, bitkiçilik və tərvəzçilik məhsulları üzrə qiymət indeksi 98,5 faiz təşkil edib, yəni 1,5 faiz enmə qeydə alınıb.

Meyvə və fındıq 3,3 faiz, xüsusi bağçılıq məhsulları 2,2 faiz, dənli bitkilər 0,7 faiz ucuzlaşıb.

Ötən aylarla müqayisədə, heyvandarlıq məhsulları üzrə 2,7 faiz artım müşahidə olunub. İri buynuzlu mal - qara və onlardan əldə olunan məhsulların qiyməti 5,5 faiz, xırdabuynuzlu mal-qaranın qiyməti (qoyun) 6 faiz artıb.

Meşə təsərrüfatı və balıq məhsullarının qiymətləri stabil qalıb.

Sentyabırn 19 -na olan rəsmi məzənnə 0,8133 AZN/USD təşkil edir.

Məqalə müəllifi ilə əlaqə üıvanı - [email protected]

Xəbər lenti

Xəbər lenti