...

BVF-in missiyası Azərbaycanda 2009-cu il üçün büdcə proqnozlarının formalaşdırılması ilə tanış olacaq

Biznes və iqtisadiyyat xəbərləri Materials 25 Sentyabr 2008 21:08

Trend-i buradan izləyin

Azərbaycan, Bakı, 25 sentyabr/ Trend , müxbir İ.Xəlilova/ Azərbaycan hökumətli ilə makroiqtisadi siyasətin əsas prinsipləri və 2009-cu il üçün dövlət büdcəsi layihəsi üzrə məsləhətləşmələr aparmaq üçün Valeri Fikerin başçılıq etdiyi Beynəlxalq Valyuta Fondunun (BVF) Yaxın Şərq və Mərkəzi Asiya üzrə missiyası  noyabrda Azərbaycana gələcək, - BVF-in Bakı nümayəndələyindən cümə axşamı bildiriblər. Səfərin tarixi hələ dəqiqləşdiriləcək.

Adətən, BVF-in missiyası dövlət büdcəsi proqnozlarının formalaşdırılması prosesində onlarla tanış olsa da, prezident seçkiləri ilə əlaqədar Fondun ekspertlərinin cari ildəki səfəri yubana və büdcə paketinin parlamentdə müzakirəsi ilə, ən yaxşı halda isə, onun təsdiq olunması prosesi ilə üst-üstə düşə bilər.

Valyuta Fondu hökumətlə daimi əsasda makroiqtisadi vəziyyətə nəzarət kontekstində məsləhətləşmələr aparır. BVF-in ekspertləri hesab edirlər ki, dövlət xərcləri həyati baxımdan vacib standartları və sosial xidmətləri təkmilləşdirməli, ölkədə infrastrukturu yaxşılaşdırmalı və genişləndirməlidir. Bununla yanaşı, fiskal olaraq stimulyasiya edilmiş istehlak təzyiqi inflyasiyanın sürətlənməsinin başlanğıcını qoyub. 2007-ci ilin əvvəlində enerji daşıyıcılarının qiymət artımı, məhsul və malların dünya qiymətlərinin yüksək olmasının təsiri altında inflyasiya, 2006 - cı ilin sonundakı 11,5 faizdən ötən ilin dekabrında 19,5 faizədək artıb. Bu barədə Fondun "BVF haqqında" Sazişin IV bəndi çərçivəsində fevral məsləhətləşmələrinin yekunları üzrə şərhlərində bildirilir.

Fond hesab edir ki, Azərbaycan iqtisadiyyatı hakimiyyətin inkişafın sürətləndirilməsi planının ardınca getmək niyyətlərinə xas fiskal stimulu qəbul etməyə hələ də hazır deyil. Bu gün neftin qiymətlərinin yüksək olduğu vəziyyətdə, davamlı maliyyə gərginliyi uzunmüddətli perspektivlə məhdudlaşmır. Buna görə də, fokus makroiqtisadi qeyri - sabitlik doğuran gərginliyin möhkəmlənməsi ilə üzləşməməyə dəyişdirilməlidir, - BVF- in şərhlərində deyilir.

Ötən illərdən fərqli olaraq, 2009 -cu il üçün büdcə göstəricilərinin artım templəri azalıb. Proqnozlara əsasən, dövlət büdcəsinin gəlirləri 16,1 faiz -12177 mln. manatadək artacaq. Lakin ÜDM - də büdcə gəlirlərinin xüsusi çəkisi 27,9 faizə bərabərdir ki, bu da 2008-ci il üzrə proqnozdan 2,4 faiz çoxdur. Gələn il üçün ÜDM 18,9 faiz artımla 43,6 mlrd. manat həcmində proqnozlaşdırılıb.

Büdcə xərclərinin xüsusi çəkisi 28,3 faiz səviyyəsində proqnozlaşdırılır (2008 - ci ildən 1,4 faiz çox). Dövlət büdcəsinin xərcləri 12 355 mln. manat həcmində müəyyən edilib ki, bu da 2008 - ci ilin proqnozlarını 1 294,4 mln. manat və ya 11,7 faiz qabaqlayır.

Bununla yanaşı, ümumi büdcə xərclərinin 33 faizi  sosial yönümlü xərclər üçün nəzərdə tutulub. Cari illə müqayisədə, sosial yönümlü xərclər 790 mln. manat və ya 24,4 faiz artacaq.

Azərbaycan BVF-ə 1992 - ci il sentyabrın 18 - də qoşulub. Ölkənin Fonddakı kvotası 160,9 mln. SDR-ə ($248 mln.) bərabərdir. 2008-ci il yanvarın 1-nə olan vəziyyətə görə, Azərbaycanın Fonda borcu $100,6 mln.-a bərabərdir. Azərbaycan əvvəllər aldığı kreditlərin ödənilməsi çərçivəsində, 2008 - 2012 - ci illərdə Fonda 55,96 SDR ($88,9 mln.) ödəyəcək.

Müəlliflə əlaqə saxlamaq üçün elektron ünvan: capи[email protected]

Xəbər lenti

Xəbər lenti