...

Litva şirkətləri Azərbaycanın turizm bazarını öyrənirlər

Biznes və iqtisadiyyat xəbərləri Materials 23 Oktyabr 2008 19:13

Trend-i buradan izləyin

Azərbaycan, Bakı, 23 oktyabr/ Trend , müxbir Ü.İsmayılova/ "Azərbaycanda turizmin inkişafı taxta evlərin tikintisində ixtisaslaşmış Litva şirkətləri üçün cəlbedici sərmayə mühiti yaradır", - Litvanın Azərbaycandakı Fövqəladə və Səlahiyyətli Səfiri Kestutis Kudzmanas cümə axşamı bildirib.

"Düşünürəm ki, Azərbaycanın şirkətləri turizm biznesi üçün əlverişli olan belə evlərdə maraqlı ola bilərlər", - səfir bildirib.

Azərbaycanın Dövlət Statistika Komitəsinin məlumatlarına əsasən, yanvar-iyunda şirkətlər 28,6 min turistə xidmət göstəriblər. Turistlərin təxminən 95 faizinə Bakıda xidmət göstərilib.

Səfirin sözlərinə görə, Danimarka, Böyük Britaniya, İsveç, Rusiya və Almaniya Litvadan belə taxta evlər alır.

Kudzmanasın sözlərinə görə, litvalı sahibkarlar Azərbaycan bazarı ilə tanış olarkən, Litvanın tikinti materiallarına analoji olan bəzi malların Azərbaycanda iki və hətta üç dəfə baha olmasına təəccübləniblər, bu da rəqabətli üstünlük yaradır. Bu, əsasən, taxta döşəmələr, parketlər, palıd massivləridir.

Səfirin rəyinə görə, qiymətlərdəki bu fərq ya nəqliyyat xərcləri, ya da Litvanın daxili istehsalın böyük həcmi hesabına qiymətləri azalda bilməsi ilə bağlıdır.

Litva iqtisadiyyatı əsasən ixracın hesabına artır.

AR-ın Dövlət Statistika Komitəsinin məlumatlarına əsasən, yanvar - sentyabrda Azərbaycan və Litva arasında mal dövriyyəsi 12 mln. dollar təşkil edib.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti