Azərbaycan, Bakı, 30 oktyabr/ Trend , müxbir E.İsmayılov/ Yaxın günlərdə Moskvada "Şimal-Cənub" dəmir yolu layihəsi çərçivəsində, Azərbaycan, Rusiya və İran arasında görüşün keçiriləcəyi tarix müəyyənləşdiriləcək, - Azərbaycan Dövlət Dəmir Yolundan (ADDY) cümə axşamı bildiriblər. Görüşdə bu layihənin biznes-planını müzakirə etmək planlaşdırılır.
Əvvəllər Bakıda keçirilən görüşdə Azərbaycan, Rusiya və İran arasında üçtərəfli Konsorsium yaratmaq qərara alınıb.
"Şimal-Cənub" nəqliyyat dəhlizi layihəsi Rusiya, Azəbaycan, İran vasitəsilə Avropadan Hindistan və Cənub - Şərqi Asiya ölkələrinə vahid dəmir yolu əlaqəsinin yaradılmasını nəzərdə tutur. Layihənin reallaşdırılması üçün ilkin qiymətləndirmələrə görə $400 mln. tələb olunur. İşlərin çox hissəsi Azərbaycan sərhədinədək dəmir yolu əlaqəsinə malik olmayan İranda aparmaq lazım olacaq. Azərbaycanda təxminən $35 - 40 mln. məbləğində müəyyən işlər görmək lazımdır.
Azərbaycanda həyata keçiriləcək işlər Astara stansiyasınadək (AR) 8,5 km uzunluğunda dəmir yolunun çəkilməsini, təkər cütlüklərinin dəyişdirilməsi sistemlərinə malik stansiyanın tikintisini, sərhəd və gömrük infrastrukturunun yaradılmasını nəzərdə tutur. Sərhədyanı dəmir yolu körpüsü salmaq lazımdır. Bu layihənin realizəsi İranla paritet əsasda həyata keçiriləcək.
dəhlizdə yük daşınmalarının birinci mərhələdə ildə 5 mln. ton olacağı, gələcəkdə 10-15 mln. tonadək artırılacağı proqnozlaşdırılır.
Müəlliflə əlaqə saxlamaq üçün elektron ünvan: [email protected]
