Azərbaycan, Bakı, 06 noyabr/ Trend , müxbir İ.Xəlilova/ ""Azərbaycan İnvestisiya Şirkəti" (AİŞ) SC yerli və xarici maliyyələşdirmə mənbələrindən Azərbaycanın qeyri - neft sektoruna 697 mln. dollar cəlb etməyə imkan verəcək sərmayə paketi hazırlayıb", - iqtisadi inkişaf naziri Şahin Mustafayev cümə axşamı 2009 - 2012 - ci illərin dövlət büdcəsi proqnozlarının müzakirəsində bildirib. AİŞ -in bu layihələrə sərmayələri 64 mln. dollara yaxın olacaq.
"Ölkənin balanslaşdırılmış iqtisadi inkişafı və qeyri - neft sektoruna sərmayə yatırımlarını artırmaq məqsədilə AİŞ yaradılıb", - nazir bildirib.
İndiyədək AİŞ beş layihənin maliyyələşdirilməsinə 55,2 mln. manat yönəldib ki, bu da 600 mln. manatdan çox məbləğdə daxili və xarici sərmayələr cəlb etməyə imkan verib.
Yeni sərmayə paketinin maliyyələşdirilməsi ilə şirkət fəaliyyətinin başlanğıcında 90 mln. manat səviyyəsində formalaşdırılmış kapitaldan kənara çıxacaq. 2009 - cu ildən AİŞ - in kapitalını yenidən Azərbaycan Dövlət Neft Fondunun vəsaitləri hesabına iki dəfə artırmaq və yenidən 180 mln. manata çatdırmaq planlaşdırılır.
Azərbaycan İnvestisiya Şirəktinin minimal investisiyasının məbləği 1 mln. manatdır. Maksimal limit bir layihəyə və ya onunla törəmə struktura AİŞ kapitalının 20 faizi səviyyəsində müəyyən edilib. Bu gün limit 18 mln. manatdır, lakin AİŞ -in kapitalı artdıqca, dəyişəcək.
AİŞ ölkə prezidentinin 2006 - cı il 30 mart tarixli sərəncamı ilə yaradılıb.
Noyabrın 6 - na olan cari mübadilə məzənnəsi - 0,8077 AZN/USD
Müəlliflə əlaqə saxlamaq üçün elektron ünvan: cap