Azərbaycan, Bakı, 07 noyabr/ Trend , müxbir Ü.İsmayılova/ Azərbaycan sığortaçıları dünya maliyyə bazarında yaranmış vəziyyətlə əlaqədar 2009-cu ilin strateji planlarına yenidən baxmalı və yığımların 50 faiz azalmasına hazır olmalıdırlar, - "Maliyyə-İqtisadi Tədqiqatlar və Konsaltinq" MMC-nin ekspertləri hesab edirlər.
Şirkət mütəxəssislərinin rəyinə görə, şirkətlərinin müflisləşməsinə səbəb olan sahibkarların və top-menecerдərin qərarlarının ciddi nəticələrini nəzərə almaq lazımdır.
Sığorta bazarını araşdıran şirkətin ekspertləri, belə bir qənaətə gəliblər ki, yaxın bir-iki ildə hazırki pərakəndə sığorta bazarının təxminən yarıdan çox hissəsini təşkil edən avtosığorta seqmenti daha çox təsirə məruz qalacaqdır. Bazarın bu seqmentinin artımı yalnız avtomobillərə tələbatın artması hesabına mümkündür, bг isə hal-hazırda həm kredit tariflərinin artımı, həm də yaxın illərdə əhalinin real gəlirinin artım tempi ilə məhdudlaşır.
Şirkət mütəxəssislərinin rəyinə görə, maliyyə böhranı müflisləşə biləcək əcnəbi şirkətlərin iri risklərinin təkrar sığortasına da təsir göstərə bilər.
Ekspertlər hesab edirlər ki, böhrandan minimal sayda şirkət zərər görəcək. Bunlar dempinq və artırılmış inzibati və əməliyyat xərcləri ilə əlaqədar təhlükəli siyasət aparan şirkətlər olacaq.
Mütəxəssislərin rəyinə görə, şirkətlərin mövcud vəziyyətdən minimal itkilərlə çıxması üçün sığorta şirkətləri risk qrupuna daxil olan banklardan və daima ucuzlaşan qiymətli kağızlar bazarından öz aktivlərini çıxarmalı, həmçinin sığorta fəaliyyəti üçün həyati vacib olan riskləri dəqiq müəyyən etməlidirlər.
"Böhran elə bir dövrdür ki, bu zaman bütün səhvlərə görə üçqat ödəməli olursan, səhvlərdən bəziləri isə şirkətin məhvinə səbəb olur", - ekspertlər hesab edirlər.
Azərbaycanda 28 sığorta və bir təkrarsığorta şirkəti mövcuddur. Azərbaycan Maliyyə Nazirliyinin məlumatına əsasən, yanvar-sentyabrda şirkətlər 148,7 mln. manat sığorta haqqları toplayıb, 40,4 mln. manat ödəniş həyata keçiriblər.
Müəlliflə əlaqə saxlamaq üçün elektron ünvan: [email protected]