Azərbaycan, Bakı, 27 noyabr/ Trend , müxbir Ü.İsmayılova/ Oktyabrda Bakının təkrar daşınmaz əmlak bazarında bir kvadratmetr mənzil sahəsinin orta qiyməti sentyabra nisbətən 2,7 faiz - 1582 dollaradək azalıb, - "Əmlak Bazarı İştirakçıları" İctimai Birliyindən cümə axşamı bildiriblər.
Oktyabrda təkrar bazarda mənzilin orta qiyməti 135,1 min dollar olub ki, sentyabrla müqayisədə 0,6 faiz azdır.
Bir otağın qiyməti - 56,7 min dollar (+2,8 faiz), orta otaq göstəricisi - 2,3 (- 3,6 faiz).
Bakının təkrar mənzil bazarında oktyabrda təkliflər 20 faiz azalıb. Ay ərzində bazara 6,4 minədək mənzil təklif olunub.
Alqı - satqısı üzrə bağlanılmış müqavilələrin sayı 20,7 faiz azalıb. Ekspozisiya müddəti 6 gün artaraq 81 günə çatıb.
Oktyabrda təkrar bazarın portfelinin böyük əksəriyyətini - 76,8 faizini - Yasamal,
Nərimanov, Nəsimi və Xətai rayonlarındakı tikililər təşkil edib. təkrar bazarda yeni tikililərin payı 40 faiz göstəricisində möhkəmlənib.
Portfeldə üçotaqlı mənzillərin payı 36,8 faiz, ikiotaqlı - 35,8 faiz təşkil edib.
Müəlliflə əlaqə ünvanı: [email protected]
