Azərbaycan, Bakı, 12 dekabr/ Trend , müxbir İ.Xəlilova/ "Azərbaycanın Banklar Assosiasiyası (ABA) yanvardan əməkdaşlıq haqqında sazişin imzalanması ilə bağlı Pakistanın bank cəmiyyəti ilə məsləhətləşmələri bərpa etməyi planlaşdırır", - ABA - nın prezidenti Eldar İsmayılov cümə günü bildirib.
"2009-cu ildən digər ölkələrin bank cəmiyyətləri, xüsusilə də Pakistanın Banklar Assosiasiyası (PBA) ilə əlaqələri genişləndirməyi planlaşdırırıq. Hələ cari ildə PBA ilə saziş bağlamaq planlaşdırılırdı", - İsmayılov bildirib.
Bu gün Azərbaycanda bir Pakistan bankı fəaliyyət göstərir. Pakistan Milli Bankı (hökumətin iştirak payı 75 faiz) 2005-ci ilin iyulunda Azərbaycanda filialını açıb.
Bank cəmiyyətləri digər ölkələrin bank bazarlarında proseslər haqqında məlumat mübadiləsi, onların bank fəaliyyəti sahəsinə qanunvericilikləri ilə tanış olmaq məqsədilə əlaqələr qururlar.
ABA - nın artıq Ukrayna, Belarus, Latviyanın bank assosiasiyalari ilə əməkdaşlıq sazişləri var.
Müəlliflə əlaqə saxlamaq üçün elektron ünvan:[email protected]
