Azərbaycan, Bakı, 23 dekabr/ Trend , müxbir Ü.İsmayılova/ Azərbaycan əhalisinin Dövlət Sosial Müdafiə Fondu (DSMF) 2009 - cu ildə əmək pensiyalarının ödənilməsinə 1,66 mlrd. manat ayırmaq niyyətindədir ki, bu da Fondun ümumi xərclərinin 93,5 faizini təşkil edəcək, - DSMF-dən çərşənbə axşamı bildiriblər.
"Bu məbləğdən 1,21 mlrd. manat əmək pensiyalarının baza, 450 mln. manat sığorta hissəsinin maliyyələşdirilməsinə yönəldiləcək", - Fonddan deyiblər.
Pensiyanın baza hissəsinin maliyyələşdirilməsinə xərclər 2008 - ci ilin analoji göstəricilərini 237 mln. manat və ya 24,4 faiz, sığorta hissəsinə olan xərclər isə, 112 mln. manat və ya 33,1 faiz ötür.
DSMF-nin məxaric strukturunda əmək pensiyalarının sığorta hissəsinin payı 27,1 faiz təşkil edir ki, bu da cari ildəkindən 1, 2 bənd çoxdur. Bu, ölkə əhalisinin sosial təminatı sahəsində sığorta prinsiplərinin möhkəmlənməsini sübut edir.
DSMF -nin gəlir və xərcləri 1,775 mlrd. manat səviyyəsində təsdiqlənəcək ki, bu da 2008-ci ildən 370 mln. manat və ya 26,3 faiz çoxdur.
2009 - cu ildə sosial sığortalanma üçün icbari ayırmalar üzrə daxilolmaların 1,278 mlrd. manat məbləğində olacağı gözlənilir. Bu vəsaitin 542,7 mln. manatı büdcə təşkilatları, 735,32 mln. manatı isə büdcədənkənar idarələrdən daxil olacaq.
Dekabrın 23 - nə olan cari mübadilə məzənnəsi -- 0,802 AZN/USD.
Müəlliflə əlaqə saxlamaq üçün elektron ünvan: [email protected]
