Azərbaycan, Bakı, 13 yanvar/ Trend , S.Babayeva/
Dünya maliyyə böhranı Azərbaycanda həyata keçirilən beynəlxalq sərgilərin iştirakçılarının sayına təsir göstərə bilər. Bu barədə çərşənbə axşamı ölkədə beynəlxalq sərgilərin təşkilatçısı olan Iteca Caspian şirkətinin direktoru Fərid Məmmədov bildirib.
"Biz heç bir sərgini təxirə salmayacağıq, lakin, 2009-cu ildə ekspozisiya üzrə, ötən ildəki böyük artımı gözləmirik; sərgi iştirakçılarının 50 faizi xarici şirkətlərdir", - deyə Məmmədov bildirib.
Onun proqnozuna görə, sərgilər üzrə artım 2009-cu ildə cəmi 5-10 faiz təşkil edə bilər.
Məmmədov bildirib ki, şirkət sərgi ekspozisiyaları üzrə rəsmən qiymət endirimi nəzərdə tutmasa da, daimi iştirakçılara xüsusi təkliflər edilə bilər.
Iteca Caspian 2008-ci ildə Azərbaycanda 23 ixtisaslaşdırılmış sərgi və iki konfrans keçirib.
Sərgiləri 72 mindən çox insan ziyarət edib və 54 ölkədən 1851 şirkət/təşkilat iştirak edib ki, bu da 2007-ci il illə müqayisədə 22 faiz çoxdur.
Şirkət 2009 - cu ildə 21 sərgi təşkil etməyi planlaşdırır:
mart - "Avtomobil sərgisi", "Ehtiyatlar, aksessuarlar və servis avadanlıqları",
aprel - "Nəqliyyat, tranzit və məntiq", "Turizm və səyahət", "Hər şey mehmanxana, restoran və supermarketlər üçün",
may - "Qida sənayesi", "Kənd təsərrüfatı",
iyun - "Xəzərin neft və qazı, neft emalı və neft kimyası",
sentyabr - "Təhsil və karyera", "Kitab yarmarkası", "Gəncənin infrastrukturu",
Gəncədə "Tikinti", "Səhiyyə", "Stomatoloqiya", "Gözəllik və estetik təbabət",
oktyabr - "Tikinti", "Mebel, interyer və dizayn",
noyabr - "Telekommunikasiya və informasiya texnologiyaları", "Mühafizə, təhlükəsizlik və xilasetmə vasitləri".
Iteca Caspian bu il Baby Show adlı yeni sərginin keçirilməsinin məqsədəuyğunluğunu araşdırır.
Məqalə müəllifi ilə əlaqə ünvanı - [email protected]
