Azərbaycan, Bakı, 03 fevral/ Trend , müxbir E.İsmayılov/ Azərbaycanın Nəqliyyat Nazirliyi gələn həftənin əvvəlində Bakıda yeni beynəlxalq və şəhərlərarası avtovağzalı istismara verməyi planlaşdırır, - nazirlikdən çərşənbə axşamı bildiriblər.
Hazırda böyük yol qovşağında yerləşən avtovağzalın köçürülməsinin əsas səbəbi şəhərə daxil olan-çıxan avtomobillərin hərəkət gərginliyinin götürülməsidir.
"Avtovağzalın istismara veriləcəyi dəqiq tarix hələ müəyyən olunmasa da, bunun fevralın 9-10-da baş verəcəyi gözlənilir", - idarədənb qeyd ediblər.
Nəqliyyat Nazirliyindən avtovağzalın inşası zamanı yaranmış problemlərin olması, eləcə də yeni tikilinin çökməsi barədə məlumatı təkzib ediblər.
Yeni avtovağzalın binasında sərnişinlərin istirahəti və rahatlığı üçün hər bir şərait var. Bu məqsədlə kompleksin ərazisində mehmanxana və ticarət mərkəzi tikilib.
Avtovağzalın inşası 2004-cü ildə başlayıb. Yeni avtovağzalın sutkalıq ötürmə qabiliyyəti 800-900 avtobusdur. Vağzal sutkada 20 minədək sərnişinə xidmət göstərə biləcək. Vağzalın yeraltı hissəsində 1100 maşınlıq avtodayanacaq, birinci və ikinci mərtəbələrində 1500 ticarət obyekti, üçüncü mərtəbədə platformalar və məişət xidməti obyektləri yerləşəcək.
Müəlliflə əlaqə saxlamaq üçün elektron ünvan: [email protected]
