Azərbaycan, Bakı, 03 fevral/ Trend , müxbir N.İsmayılova/ Fevralın sonu və ya martın əvvəlində Azərbaycanda Belarus mallarının yarmarkası təşkil ediləcək, - Belarusun Azərbaycandakı Fövqəladə və Səlahiyyətli Səfiri Nikolay Patskeviç çərşənbə axşamı bildirib.
"İndi bizə hazırlıq üçün vaxt lazımdır, - Patskeviç deyib. - Təqdim ediləcək malların nomenklaturası işlənir və onların satışını təşkil etmək lazımdır".
Onun sözlərinə görə, Azərbaycanda Belarus mallarına tələbat var və bu dinamika bütün sahələrdə müşahidə edilir.
Bu gün ölkədə Azərbaycan-Belarus biznes-forumu keçirilib. Nümayəndə heyətinin tərkibində Belarusun müxtəlif mülkiyyət formalı 11 müəssisəsi təmsil olunub. Onların arasında mebel ("Slutsk mebel fabriki" ASC), qida məhsulları ("Slodıç" Qənnadı Fabriki), alət ("Bakkoİnstrumentı") istehsalı üzrə müəssisələr, eləcə də dəzgahqayırma sahəsində "Krasnıy borets" Dəzgahqayırma zavodu" və başqaları var.
Müəlliflə əlaqə saxlamaq üçün elektron ünvan: [email protected]