Azərbaycan, Bakı, 18 fevral / Trend , müxbir N.İsmayılova/ Ernst & Young auditor şirkəti Azərbaycan İnvestisiya Şirkətinin (AİK) 2007-ci il üzrə maliyyə göstəricilərinin auditini başa çatdırıb. Bu barədə AİK-in məlumatında bildirilib.
Auditor şirkətinin hesabatında bildirilir ki, inişilki yekunlar üzrə AİK-in aktivləri 2006-cı ilin 89,776 mln. manatına nisbətdə 93,412 mln. manat təşkil edib.
Şirkətin səhmdar kapitalı 89,741 mln. manatdan 93,058 mln. manatadək artıb. Buna şirkətin 2006-cı ildə qeydə alınan 259 min manatlıq ziyanına nisbətdə 2007-ci il ərzində 3,058 mln. manat həcmində yayılmamış mənfəəti yardım göstərib.
2007-ci ildə AİK-in gəlirləri 2006-cı ilin 456 min manatına nisbətdə 5,424 mln. manat təşkil edib.
Şirkətin əməliyyat xərcləri də 783 min manatdan 1,156 mln. manatadək artıb.
İnişil AİK-in vergitutumuna qədərki mənfəəti 2006-ci ilin 327 min manat ziyanına nisbətdə 4,268 mln. manat təşkil edib. 2007-ci il ərzində xalis mənfəət 951 min manat vergi ödənməsindən sonra 3,317 mln. manat səviyyəsində təsdiq edilib.
AİK-in fəaliyyətinin qiymətləndirilməsinə layihələrin sonrakı maliyyələşdirilməsi üçün xarici borcların cəlb edilməsi planı ilə bağlı zərurət yaranıb.
Azərbaycan İnvestisiya Şirkəti minimum 1 mln. manat həcmində sərmayə yatıra bilər. Bir layihə və ya onunla bağlı struktur üçün maksimal limit AİK-in kapitalından 20 faiz həcmində müəyyən olunub. Bu gün bu limit 18 mln. manat təşkil edir, lakin AİK-in kapitalının artırılmsı ilə bağlı dəyişəcək.
AİK ölkə prezidentinin 2006-cı il 30 mart tarixli sərəncamı ilə yaradılıb.
Fevralın 18-nə olan rəsmi məzənnə 0,8063 AZN/USD təşkil edir.
Məqalə müəllifi ilə əlaqə ünvanı: [email protected]
