Azərbaycan, Bakı, 26 fevral / Trend , müxbir E.İsmayılov/
Azərbaycan Dövlət Xəzər Dəniz Gəmiçiliyi (DXDG) bu il 13 mln. tondan çox müxtəlif növdə yük nəql etmək niyyətindədir. Bu barədə cümə axşamı DXDG-nin rəhbəri Aydın Bəşirov bildirib. 2008-ci ildə bu struktur tərəfindən 11,9 mln. ton yük daşınıb.
Bəşirov bildirib ki, ümumi nəql həcminin təqribən 70 faizi neft və neft məhsullarının payına düşür. DXDG rəhbəri vurğulayıb ki, bu il ərzində Xəzərdə daşımalar hesabına gəmiçiliyin gəlirlilik səviyyəsinin 15 faiz artırılması gözlənilir
Xəzər Dəniz Gəmiçiliyi iri gəmi sahibi şirkətidir. Əsas fəaliyyət növü neft və neft məhsulları üstünlük təşkil etməklə, yük daşınmasıdır. Üzmə əraziləri: Xəzər, Qara, Aralıq və Mərmərə dənizləri. Xəzər Dəniz Gəmiçiliyinin Qara dəniz - Azov hövzəsində fəaliyyət göstərən gəmiləri Avropa, Yaxın Şərq və Şimali Afrika limanlarına xarici kirayəçilərin yüklərini daşıyır.
Məqalə müəllifi ilə əlaqə ünvanı - [email protected]
