Azərbaycan, Bakı, 26 fevral / Trend , müxbir Ü.İsmaylova / Сümə axşamı şirkətdən bildiriblər ki, Azərbaycanın yeganə təkrar sığorta şirkəti olan AzRe Tekrarsigorta cümə günü səhmdarlarının növbəti ümumi toplantısını keçirəcək.
İclasda şirkətin 2008-ci il ərzindəki maliyyə fəaliyyəti, 2009-cu il büdcəsinin təsdiqi və administrativ məsələlər müzakirə olunacaq.
Azərbaycanın ilk təkrar sığorta şirkəti olan AzRe Tekrarsigorta təkrar sığorta fəaliyyəti göstərmək barədə lisenziyanı Maliyyə Nazirliyindən 2007-ci il noyabrın 7-də alıb. Şirkətin nizamnamə kapitalı 2 mln. manat təşkil edir. Şirkətin səhmdarları altı fiziki şəxsdən ibarətdir. "AzRe Tekrarsigorta" Non-life sığortası üzrə yerli, regional sığorta, təkrar sığorta şirkətlərinə və təkrar sığorta vasitəçilərinə xidmət göstərir.
Fevralın 26-na olan rəsmi məzənnə 0,8052 AZN/USD təşkil edir.
Məqalə müəllifi ilə əlaqə ünvanı: [email protected]
