Azərbaycan, Bakı, 03 mart / Trend , müxbir Ü. İsmayılova / Azərbaycanın iri sığorta şirkətlərindən biri olan "Paşa Sigorta" mükafatı 2009-ci ilin yekunlarına əsasən 10 milyon manata çatdırmaq niyyətindədir, - çərşənbə axşamı şirkətin idarə heyətinin sədri Nofəl Rzayev bildirib.
"Yanvar-fevral aylarında şirkətin mükafatları 2008-ci ilə nisbətən səkkiz faiz artıb", - Rzayev bildirib.
Onun sözlərinə görə, şirkət strateji plana uyğun şəkildə biznesi inkişaf etdirməkdə davam edir. "Paşa Sigorta" şirkətinə maliyyə böhranı təsir etməyib.
"Paşa Sigorta" Paşa Holdinq qrupunun üzvüdür, Bakıdakı mərkəzi ofisində, Sumqayıt və Xırdalandakı xidmət şöbələrində korporativ və fərdi müştərilərə sığortanın 30 növü üzrə xidmət göstərir. Kapitallaşma göstəricilərinə əsasən şirkət 9 milyon manat dəyərində nizamnamə kapitalı və 11,5 milyon manatlıq müştərək kapital ilə ölkənin 10 aparıcı sığorta şirkətlərindən biridir. 2008-ci ilin yekunlarına əsasən, "Paşa Sigorta"nın yığımları 8,44 milyon manat, ödənişləri isə 0,94 milyon manat təşkil edib.
Məqalə müəllifi ilə əlaqə ünvanı: [email protected]