Azərbaycan, Bakı, 06 mart / Trend , müxbir Ü.İsmaylova /
Əhalinin Dövlət Sosial Müdafiə Fondunun sədri Səlim Müslümov cümə günü Yeni Azərbaycan Partiyasının mənzil-qərargahında keçirilən mətbuat konfransı zamanı bildirib ki, Azərbaycanın Əhalinin Dövlət Sosial Müdafiə Fondu təqaüd islahatları sahəsində Dünya Bankı (DB) ilə ikinci müştərək layihənin reallaşdırılmasına hazırlaşır.
"Hazırda fond DB ilə layihənin həyata keçirilməsi ilə bağlı danışıqlar aparır", - Müslümov deyib.
Onun sözlərinə görə, layihənin ümumi dəyəri 13,92 mln. manat təşkil edir. Bu vəsaitin 51 faizi fondun şəxsi vəsaitindən, 49% faizi isə DB hesabına maliyələşdiriləcək.
Birgə layihə yanvar ayında təsdiqlənmiş "2009-2015-ci il üçün Azərbaycanda təqaüd sığorta sisteminin inkişafı" Dövlət Proqramı layihəsinin həyata keçirilməsini nəzərdə tutur. Dövlət Proqramının qəbulunun əsas məqsədi təqaüd təminatının daha da yaxşılaşdırılması və təqaüd-sığorta sisteminin möhkəm və dinamik inkişafıdır.
DB-nin Dövlət Fondu ilə ilk layihəsinin maya dəyəri 11 mln.dollar təşkil edib. Bu vəsaitin 5,39 mln. dolları istifadə olunmayan hissəyə aid edilir. Layihənin məqsədi təqaüd təminatının səmərəliliyini, şəffaflığını və əhaliyə edilən sosial yardımın səviyyəsini qaldırmaqdır.
Məqalə müəllifi ilə əlaqə ünvanı: [email protected]
