Gürcüstan, Tbilisi, 10 mart / Trend , müxbir N. Kirtsxaliya /
Gürcüstanın sərhəd polislərinin Trend -a verdiyi məlumata əsasən, Potinin sahil mühafizəsi əməkdaşları bir gün əvvəl Gürcüstanın ərazi sularında qanunsuz balıq ovu və dənizçilik qaydalarının pozulması faktı üzrə dörd türk gəmisini saxlayıblar.
Türk bayrağı altında üzən "Qoroglu Balik Chilik" adlı gəminin anbarında 41 ton balıq aşkar edilib. Gürcüstan Dövlət Məcəlləsinə müvafiq olaraq gəminin sahibi 50-70 min lari civarında cərimə olunacaq, yük isə müsadirə olunacaq.
Gürcüstanın ərazi sularında dənizçilik qaydalarının pozulması faktı üzrə Türkiyə bayrağı altında üzən "Ozbek Su Urunlari-4", "Zavan Avci" və "Ilmaz Balikcilik" adlı gəmilər saxlanılıb. Dövlət Məcəlləsinə müvafiq olaraq hər bir gəmi 50 000 lari civarında cərimə olunacaq.
Məqali müəllifi ilə əlaqə ünvanı: [email protected]