Azərbaycan, Bakı, 13 mart / Trend , müxbir N.İsmayılova /
Yanvar-fevralda Azərbaycan Vergilər Nazirliyi nəzdindəki 195 nömrəli telefon xidmətinə 45,4 min müraciət daxil olub. Bu barədə idarənin məlumatında bildirilir.
Ekspertlər tərəfindən verilən sualların əksəriyyəti mənfəət vergisi, sadələşdirilmiş vergi, əlavə dəyər vergisinin ödənilməsi ilə əlaqədar hesablamaların aparılması, haməçinin "bir pəncərə" prinsipi üzrə qeydiyyat və vergi uçotu, vergi orqanlarına hesabatların təqdim edilməsi, bəyannamələrin elektron formada gəndərilməsi məsələlərinə aid olub.
Yanvar-fevral ərzində 195 nömrəli telefon xidmətinə nazirlik əməkdaşlarının fəaliyyəti və vergi qanunvericiliyinin pozulması halları ilə bağlı 14 şikayət daxil olub.
Məqalə müəllifi ilə əlaqə ünvanı - [email protected]
