Azərbaycan, Bakı, 08 aprel / Trend , müxbir N.İsmayılova /
Ata Holding 2009-cu ildə iki layihə reallaşdırmağa başlayıb. Bu barədə Ata Holding -in idarə heyətinin sədri Qafar Qurbanov bildirib.
"Biz Azərbaycanın ərzaq malları istehsal edən bölgə fabriklərini innovasiya texnologiyaları ilə təchiz etməyə hazırlaşırıq", - deyə Qurbanov bildirib.
Onun sözlərinə görə, Ata Holding yayda Azərbaycan mallarının Litva bazarına, Litva mallarının isə Azərbaycan bazarına çıxarılması məqsədi ilə Litvada Ticarət Evi açmağa hazırlaşır.
"Bu layihələr üzərində artıq işə başlanıb. Litvadakı Azərbaycan Ticarət Evi həm də Ata Holding-in bu ölkədəki nümayəndəliyi olacaq", - deyə Qurbanov vurğulayıb.
Hər bir layihənin dəyəri 5 mln. manatdan 10 mln. manatadəkdir.
Məqalə müəllifi ilə əlaqə ünvanı - [email protected]