Azərbaycan, Bakı, 10 aprel / Trend , müxbir Ü.İsmayılova /
Martda Azərbaycanın tikinti materialları bazarında qiymətlər fevral ayı ilə müqayisədə 4,38 faiz düşüb. Bu barədə cümə günü MBA Group konsaltinq şirkətindən məlumat verilib.
Təşkilat 41 adda və 86 çeşiddə tikinti materialının monitorinqini aparıb. Onlardan 39-da qiymət düşməsi müşahidə olunub, 24 növdə qiymətlər stabil qalıb, 23 növdə isə artım baş verib.
Azərbaycanda istehsal olunan tikinti materiallarının bazarda payı martda 44,6 faiz təşkil edib.
Qiymətlər əsasən, karxana daşları - 4,1 faiz, kərpic - 7,4 faiz, armatur - 20,2 faiz, dəmir laylar - 20 faiz, sink laylar - 25 faiz, plastik borular - 20 faiz, mismar - altı faiz və digər materillar üzrə düşüb.
Qiymət artımı şveller - 5,6 faiz, qranit - 5 faiz, yapışqan - 8 faiz və digər materillar üzrəartıb.
Məqalə müəllifi ilə əlaqə ünvanı: [email protected]
