Azərbaycan, Bakı, 28 aprel / Trend , müxbir Ü.İsmayılova /
Azərbaycanın Əmək və Əhalinin Sosial Müdafiəsi Nazirliyi nəzdində Əmək Müfəttişliyi Niderlandın "TNO - həyat keyfiyyəti" beynəlxalq məsləhətçi qrupu ilə birgə layihəyə başlayıb. Bu barədə çərşənbə axşamı 28 aprel- əmək müdafiəsi gününə həsr olunan konfransda Müfəttişlik rəhbəri Nəbi Şükürlü bildirib.
"Birgə layihə "müvafiq qanunvericilik bazası və əmək təhlükəsizliyi icrasında dövlət əmək müfəttişliyinin potensialı" adlanır", - deyə Şükürlü bildirib.
Onun sözlərinə görə, layihənin müddəti beş ildir və əsasən beynəlxalq əmək müdafiəsinin öyrənilməsi və onun ölkədə tətbiqində müfəttişlik üçün məsləhət xidmətlərini nəzərdə tutur.
"Layihə əsasən tövsiyyə mahiyyəti daşıyır və maliyyə vəsaiti tələb edir", - deyə Şükürlü bildirib.
Məqalə müəllifi ilə əlaqə ünvanı: [email protected]