Azərbaycan, Bakı, 26 may / Trend , müxbir N.İsmayılova /
Beynəlxalq Maliyyə Korporasiyası (İFS), Dünya Bankı qrupunun üzvü və BP-nin treninqlər proqramı Azərbaycanın neft-qaz sektorunun 25 təchizatçı-şirkətləri üçün seminar təşkil edib. Məqsəd korporativ idarəetmə və risklərin idarə olunması sistemini yaxşılaşdırmaqdan ibarət olub. Bu barədə İFS-in layihə rəhbəri Karolina Brayt deyib.
"Risklərin idarə olunması və inkişafa dəstək" seminarını Azərbaycanın korporativ inkişaf proqramı (AGCP) çərçivəsində İFS təşkil edib.
Braytın sözlərinə əsasən, müəssisələrdə risklərin idarə olunması prinsiplərinin tətbiqi yerli şirkətlərin üzləşdiyi rəqabətdən və maliyyə böhranı şəraitində gələcək inkişafı təmin etməkdən iəli gəlir.
Korporativ idarəetmə layihəsi korporativ idarəetmə standartlarını İqtisadi Əməkdaşlıq və İnkişaf Təşkilatının (Seco) normalarına uyğun tətbiq etməyə yardım edir.
Seco tərəfindən malyyələşən layihənin rəsmi açılışı 2005-ci il yanvarın 26-da olub. Onun reallaşması 2,1 milyon dollar büdcə ilə 3 ilə nəzərdə tutulmuşdu.
Bu günə kimi layihə çərçivəsində 390-dan artıq bank və şirkətlər üçün tədris proqramları təşkil edilib ki, bu da 18 milyon dollardan artıq investisiyanın cəlb olunmasına səbəb olub.
Məqalə müəllifi ilə əlaqə ünvanı: [email protected]
