Azərbaycan, Bakı, 03 iyun / Trend , müxbir N.İsmayılova /
Azərbaycanın vergilər naziri Fazil Məmmədov və Cənubi Koreyanın ölkəmizdəki səfiri Lyu Kvanq Çul çərşənbə axşamı Azərbaycan ərazisindəki Koreya şirkətlərinin fəalliyyətini müzakirə ediblər. Bu barədə Vergilər Nazirliyinin məlumatında deyilir.
Çulun sözlərinə əsasən, Koreya Azərbaycana maraq göstərir və Koreya şirkəti Azərbaycanı investisiya qoymaq üçün cəlbedici hesab edir. Koreya biznesi təkcə kapital qoyuluşu deyil, eyni zamanda yeni texnologiyalar və inkişaf təcrübəsi gətirəcək. İkitərəfli münasibətlərin inkişafındakı imkanları qeyd edərək diplomat qarşılıqlı münasibətlərdə gələcək inkişafa ümid etdiyini bildirib.
Vergilər nazirinin sözlərinə əsasən, hazırda Azərbaycan və Koreya arasında əməkdaşlığın müxtəlif sahələrini əhatə edən hərtərəfli hüquq bazası yaradılıb. Bu isə hər iki ölkə arasında iqtisadi münasibətlərin genişləndirilməsinə imkan yaradır. O, həmçinin ölkədə investisiyaların qəbulu üçün əlverişli imkanların mövcudluğu barədə də danışaraq Koreyanın işgüzar dairələrini uğurlu investisiya planlarını həyata keçirməyə çağırıb.
Məqalə müəllifi ilə əlaqə ünvanı: [email protected]
