Azərbaycan, Bakı, 04 iyun / Trend , müxbir Ü.İsmayılova /
Azərbaycanın Auditorlar Palatasının göstərilən auditor xidmətlərinə nəzarət üzrə yeni nizamnaməsi təsdiqlənib.
Yeni nizamnamə auditin aparılması zamanı həyata keçirilməli olan prosedurları müəyyən edir. Yeni nizamnamənin əsas məqsədi müvafiq auditor fəaliyyətinin müvafiq qanunvericilik aktları, audit standartları və peşəkar etika məcəlləsinin tələblərinə, həmçinin Azərbaycanın Auditorlar Palatası Şurasının qərarına uyğunlaşmasını təmin etməkdir.
Nizamnamə keyfiyyətə nəzarət, daxili nəzarət keyfiyyəti sisteminin qiymətləndirilməsi qaydaları, müqavilə öhdəlikləri üzrə auditor işlərinin ayrı-ayrılıqda seçim qaydaları, işlərin nəticələrinin sənədləşdirilməsi və onların açıqlanması, o cümlədən auditin başa çatmasından sonra həyata keçirilən tədbirləri nəzərdə tutur.
Məqalə müəllifi ilə əlaqə ünvanı: [email protected]