Azərbaycan, Bakı, 20 iyun/ Trend , müxbir N.İsmayılova/
Azərbaycanın Peşəkar Risk-menecerləri Assosiasiyasının himayədarlar şurasının ilk iclası avqutda baş tutacaq, bu barədə şənbə günü assosiasiyanın təsisçisi və başçısı Rüfət Mahmud bildirib.
"Avqustun ortalarında və ya sonunda assosiasiyanın himayədarlarının ilk iclasının keçirilməsi tarixi müəyyənləşib, bu görüş çərçivəsində forumun və assosiasiyanın fəaliyyətinin təqdimatının keçirilməsi planlaşdırılır", -deyə Mahmud bildirib.
Mahmudun sözlərinə əsasən assosiasiyaya texniki dəstəyi Beynəlxalq Maliyə Korporasiyası göstərir.
"Assosiasiya anqlo-sakson forumunun nizamnaməsi və strukturunun hazırlığı ilə məşğul olur, artıq müşahidə şurasının ilkin tərkibi mövcuddur" - deyə o bildirib.
Müşahidə şurasının və assosiasiyanın fəaliyyət strategiyasının yaranmasından o, sonra şirkətləri assosiasiyaya üzv olmağa cəlb edəcək. Assosiasiyanın üzvlərinin sayı məhdud olmayacaq. Azərbaycan bankları artıq assosiasiyaya üzv olmağa maraq göstərirlər.
Hazırda əməkdaşlar üçün test keçirilməsinə başlanılıb və sertifikatlaşdırılma üçün onun nəticələrinin analizi aparılır.
Assosiasiya may ayının ortalarında qeydiyyatdan keçib, və hazırda assosiasiyanın institusional yaranması prosesi gedir. Assosiasiyanın yaradılması ölkənin maliyə sektorunda risklərin azaldılmasına təsir göstərəcək. Assosiasiya IFC, Azərbaycan Mərkəzi Bankı və GARP ilə əməkdaşlığa başlayıb.
Məqalə müəllifi ilə əlaqə ünvanı:[email protected]
