Azərbaycan, Bakı, 24 iyul / Trend , müxbir E.İsmayılov /
Bu vaxtadək Bakı-Tbilisi-Qars dəmiryolunun Gürcüstan hissəsinin inşası çərçivəsində Azərbaycan Dövlət Neft Fondundan (ADNF) 27,1 milyon manat ayrılıb. Bu barədə cümə günü ADNF rəhbəri Şahmar Mövsümov deyib.
"Hazırda fonddan bu layihəyə ayrılan həcm 27,1 milyon manatdır. İnşa işləri hazırda davam etdirilir. Lakin ləngimə var ki, bu da Gürcüstandakı vəziyyətlə əlaqədardır. Tezliklə iş daha yüksək templə aparılacaq", - Mövsümov deyib.
"Bakı-Tbilisi-Qars dəmiryolunun inşası layihəsinin maliyyələşdirilməsi üçün ilk yaımildə ADNF-dən 1,1 milyon manat verilib", - Mövsümov deyib.
Azərbaycan Bakı-Tbilisi-Qars marşrutunun Gürcüstan hissəsinin bərpasına Neft Fondundan 200 milyon dollar ayırmağı planlaşdırır. "Marabda-Qars dəmiryolları" MMC-nin cari təminatı üçün əmək haqqlarını və dəftərxana xərclərini ödəmək üçün nəzərdə tutulan 280 min dollardan çox vəsait keçirilib.
20,7 milyon manat məbləğində ilk tranş 2007-ci ildə verilib. 2008-ci ildə ADNF Bakı-Tbilisi-Qars dəmiryolunun Gürcüstan ərazisinin inşası layihəsinə 5,3 milyon manat yönəldib.
Bakı-Tbilisi-Qars layihəsi çərçivəsində 76 kilometri Türkiyə, 29 kilometri Gürcüstan ərazisindən keçəcək 105 kilometrlik yeni dəmiryol magistralı qolunun tikintisi planlaşdırlır. Bundan əlavə, buraxılış qabiliyyətinin ildə 15 milyon ton yükə qədər qaldırılması üçün Gürcüstanda Axalkalaki-Marabda-Tbilisi dəmiryolunun 183 kilometrlik hissəsi bərpa olunacaq. Axalkalakidə həmçinin qatarların keçid məntəqəsinin tikilməsi də planlaşdırılır.
Məqalə müəllifi ilə əlaqə ünvanı: [email protected]