Azərbaycan, Bakı, 31 iyul / Trend , müxbir N.İsmayılova /
Azərbaycan İqtisadi İnkişaf Nazirliyi yanında Sahibkarlığa Yardım Milli Fondu (SYMF) agent-bankların sayının artmasında maraqlıdır. Bu barədə cümə günü fondun icraçı direktoru Şirzad Abdullayev deyib.
"Biz agent-bankların sayının artmasına çalışırıq. Ona görə ki, bu zaman filialların sayı artır və sahibkarlar üçün vəsaitə giriş asanlaşır. Eyni zamanda maliyyə vəsaitlərinə çıxış sadələşir", - Abdullayev deyib.
Onun sözlərinə görə, bu günədək qalan banklardan heç biri fonda üzvlük almaq məsələsi ilə bağlı müraciət etməyiblər.
Cari ildə SYMFvəsaitlərinin yerləşdirilməsi hüququnu Xalq bank və Azfinans Bank alıb. Fondun ümumilikdə 36 səlahiyyətli kredit təşkilatı var. Onlardan 4-ü kredit birliyi, 32-si isə bankdır.
2009-cu ildə fondun xətti ilə 130 milyon manat güzəştli kreditin verilməsi planlaşdırılır. Bunun 74 milyon manatı büdcə vəsaitinin, 56 milyon manatı isə əvvəl verilmiş kredit resurslarının payına düşür.
İyulun 31-nə olan cari məzənnə 0,8043 AZN/USD təşkil edir.
Məqalə müəllifi ilə əlaqə ünvanı: [email protected]
