Gürcüstan, Tbilisi, 14 avqust / Trend , müxbir N.Kirsxaliya /
Qara dəniz sahilində, Batumidəki stadionun keçmiş ərazisində yeni Hyatt mehmanxana kompleksinin tikintisi davam edir. Onun gedişi ilə Acarıstan hökumətinin sədri və Hyatt-ın vitse-prezidenti tanış olublar.
"Dünyaca məşhur "Şeraton" brendinin Acarıstan sahilində peyda olmasından sonra daha bir mehmanxana - Hyatt yaranacaq. Belə məşhur mehmanxana şəbəkələrinin sahiblərinin bizim regionla maraqlanması diqqətəlayiqdir. Onlar regionda infrastrukturun inkişafına öz sərmayələrini qoyurlar ki, bu da yeni iş yerləri deməkdir", - Acarıstan hökumətinin başçısı Levan Varşalomidze deyib.
Yeni mehmanxananın tikintisi mayın 8-də başlayıb və gələn ilin martında başa çatacaq. Hazırda müqavilənin texniki məsələlələri və təfərrüatları dəqiqləşdirilir.
Müqavilə rəsmi şəkildə sentyabrda imzalanacaq.
Məqalə müəllifi ilə əlaqə ünvanı: [email protected]
