Qazaxıstan, Astana, 20 avqust / Trend , müxbir K.Konırova /
Qazaxıstanda 2009-cu ildə ümumi istifadə olunan avtomobil yollarının inkişafına təxminən 1,13 milyard dollar vəsait ayrılıb. Bu barədə Trend -ın xüsusi müxbirinə Nəqliyyat və Komunikasiya Nazirliyinin mətbuat xidmətindən məlumat verilib.
"Bu vəsait hesabına 6700 km-dən çox yolun təmir işlərinin aparılması planlaşdırılıb. Ondan respublika əhəmiyyətli avtomobil yollarının inkişafına 101,1 milyard tengədən və ya 670 milyon dollardan çox ayrılıb", - mətbuat xidmətindən bildirilib.
Nazirliyin məlumatına görə, ilin birinci yarısında bu məqsədlə 250 milyon dollar və plana uyğun 99 faiz istifadə olunub.
Mətbuat xidmətindən bildirilib ki, ayrılmış vəsait çərçivəsində avtomobil yollarının ümumi uzunluğu 700 km olan Almata-Astana-Petropavlovsk, Samara-Şımkent, Omsk-Maykapşaqay, Həştərxan-Atırau-Aktau-Türkmənbaşı, Astana-Kostanay-Çelyabinsk, Taskesken-Bahtı hissələrinin yenidən qurulması üzrə iş aparılır.
Bundan əlavə, yerli əhəmiyyətli avtomobil yollarının inşası və yenidən qurulması, eləcə də bütün növ təmir işlərinin aparılmasına 143 milyon dollar nəzərdə tutulub. İlin birinci yarısının yekununa görə, bu vəsaitdən istifadə 100 faiz təşkil edib.
Məqalə müəllifi ilə əlaqə ünvanı: [email protected]
