Azərbaycan, Bakı, 24 avqust / Trend , müxbir Ü.İsmayılova /
Naxçıvan Muxtar Respublikasının Dövlət Gömrük Komitəsi ilin birinci yarısında 5,84 min manat məbləğində vaxtı ötmüş, istifadəyə yararsız, insan sağlamlığı üçün təhlükəli olan məhsulları müsadirə edib. Bu barədə altı aylıq fəaliyyətin yekunlarına həsr olunmuş kollegial iclasda gömrük nəzarətinin təşkili şöbəsinin rəhbəri Zaur Bağırov deyib.
"Bu dövr ərzində həmçinin 2,46 min manat dəyərində NMR ərazisinə satış məqsədilə gətirilən istifadəyə yararsız məhsulların sərhəddə qarşısı alınıb", - Bağırov deyib.
Onun sözlərinə görə, NMR-in gömrük orqanları daxil bazarın mühafizəsi məqsədilə tədbirlər planı hazırlayıb və bazarın vəziyyətini müntəzəm öyrənir, həmçinin respublika istehlakçılarının fəaliyyətinə mənfi təsir göstərə bilən məhsulların kateqoriyalarını araşdırır.
Bağırov deyib ki, qiymətlərin süni artımının qarşısının alınması məqsədilə balansın və bazarda qiymət dəyişmələrinin yoxlanılması istiqamətində iş fəallaşdırılıb.
Avqustun 24-nə olan rəsmi məzənnə 0,8039 AZN/USD təşkil edir.
Məqalə müəllifi ilə əlaqə ünvanı: [email protected]
