Azərbaycan, Bakı, 28 avqust / Trend /
Tezliklə İranda ən müasir alüminium zavodu istifadəyə veriləcək.
Yaxın zamanlarda İranın Hörmüzqan əyalətində illik gücü 147 min ton olan ölkənin ən böyük alüminium zavodu istifadəyə veriləcək. İran televiziyası bu barədə xəbər yayıb.
Iran Daily-yə görə, "Hormuzal Aluminum Production" öz layihəsinə 800 milyon dollar vəsait ayırıb.
İranda "Hörmüzal" proyektinin həyata keçməsi üçün ən qabaqcıl texnologiyadan istifadə olunur.
Hörmüzal zavodu Bəndər Abbas şəhərində illik gücü 110 min ton olan "Əhməhdi" alüminium zavodunun yaxınlığında yerləşir. "Hörmüzal" zavodunun istifadə verilməsi ilə İranın alüminium istehsalı gücü 47 faiz artacaq. Hazırda İranın alüminium üzrə istehsal potensialı 310 min ton təşkil edir.
Zavod elektrik enerjisinə qənaətlə işləyəcək.