Azərbaycan, Bakı, 28 sentyabr / Trend , müxbir N.İsmayılova/
Əmrahbank ilin sonunadək 10-15 milyon dollar həcmində öz xarici səhmdarı - Bəhreyndə Beynəlxalq İnvestisiya Bankı tərəfindən xarici alınmaların cəlb bedilməsinə dair razılıq imzalamağı planlaşdırır. Bu barədə bankın İdarə Heyətinin sədri Emil Məmmədov deyib. Əmrahbankın xarici səhmdarı nizamnamə kapitalında səhmlərin 49 faizinə sahibdir.
"Artıq investisiyanın toplanması əsasında memorandum imzalanıb, - Məmmədov deyib. - Biz ümid edirik ki, bu proses ilin sonunadək başa çatacaq".
Kredit vəsaiti kiçik və orta biznesin maliyyələşməsi üçün nəzərdə tutulub.
Bununla yanaşı, bank artıq ticari maliyyələşməyə görə İslam Korporasiyası ilə və ABŞ-ın idxal və ixrac bankı olan US Exim Bank-la uğurlu danışıqlar aparıb. Əmrahbank üçün İslam Korporasiyasından və US Exim Bank-dan 5 il müddətinə kredit xətti açılıb.
Əmrahbank ticari maliyyələşməyə görə İslam İnkişaf Bankı ilə "muharab" mexanizmi üzrə ilkin müqavilə imzalayıb. İİB-dən ilkin xətt bir milyon dollar, US Exim Bank-dan isə 5 milyon dollar olaraq hesablanıb.
İlin birinci yarısının yekunlarına görə, Əmrahbankın aktivləri 63 milyon manat, məcmu kapitalı - 20,183 milyon manat, nizamnamə kapitalı - 12,82 milyon manat təşkil edir.
Sentyabrın 28-nə olan cari məzənnə 0,8035 AZN/USD təşkil edir.
Məqalə müəllifi ilə əlaqə ünvanı: [email protected]