Azərbaycan, Bakı, 05 oktyabr / Trend , müxbir N.İsmayılova/
ВТБ Azərbaycanın İdarə Heyətinin sədri Oleq Krasnojonun dediyinə görə, Rusiyanın ВТБ Bank-ının filialı - ВТБ Azərbaycan noyabrın 1-dən ölkədə geniş şəkildə fəaliyyət göstərəcək.
"Bu işgüzar açılışdır, rəsmi açılış isə hər hansı bir tədbir zamanı olacaq", - o deyib. Onun sözlərinə görə, bank artıq fəaliyyət göstərir, amma geniş şəkildə fəaliyyətə isə noyabrın 1-dən başlayacaq.
O deyib ki, bankın ölkədə fəaliyyətə başlaması onun burada yeni ofisinin açılması ilə əlaqədardır.
Bü günə bankın nizamnamə kapitalı 11 milyon manat təşkil edir. Noyabrın 1-dən isə bu rəqəm 20 milyon manata çatdırılacaq.
Krasnojon deyib ki, yeni layihələri maliyyələşdirmək üçün bankın Baş İdarəsi ilə yanaşı, beynəlxalq institutlardan da maliyyə vəsaitlərinin cəlb edilməsi nəzərdə tutulur.
Onun sözlərinə görə, hazırda bankda sənaye, ticarət, rabitə və turizm kimi sahələri əhatə edən və dəyəri 10 milyon manat olan layihələr nəzərdın keçirilir.
"Hazırda biz əsasən "Azel" kimi ticarət və "Akkord" kimi tikinti şirkətləri ilə işləyirik", - Krasnojon deyib.
Bankın cari investisiya portfeli 5 milyon manat təşkil edir. Bank sədrinin dediyinə görə, bu, bankın fəaliyyətinin göstəricisi deyil.
"Biz gələn il bu göstəricini 100 milyon manatadək artırmağı nəzərdə tutmuşuq", - Krasnojon deyib.
Məqalə müəllifi ilə əlaqə ünvanı: [email protected]
