Azərbaycan, Bakı, 13 oktyabr / Trend , müxbir Ü.İsmayılova/
Azərbaycanın Standartlaşdırma, Metrologiya və Patentləşdirmə üzrə Dövlət Komitəsinin ekspertləri standartlaşdırma və informasiya texnologilaları üzrə hökumətlərarası şuranın elmi-texniki iclasında iştirak edəcək, komitədən çərşənbə axşamı məlumat veriblər.
İclas 13-16 oktyabrda Rostovda (Rusiya) keçiriləcək.
İclasda yeni layihələrin, həmçinin fəaliyyətdə olan standartların yeni qaydalarının müzakirə olunması nəzərdə tutulur. İclas iştirakçıları həmçinin informasiya texnologiyaları sahəsi və standartların elektron axtarış sisteminin təkmilləşdirilməsi məsələlərini müzakirə edəcəklər.
Azərbaycan 1994-cü ildən standartlaşdırma, metrologiya və sertifikatlaşdırma üzrə hökumətlərarası şuranın tam hüquqlu üzvüdür.
MDB-nin standartlaşdırma, metrologiya və sertifikatlaşdırma üzrə hökumətlərarası şurası MDB-nin standartlaşdırma, metrologiya və sertifikatlaşdırma siyasəti üzrə hökumətlərarası orqanıdır. Hökumətlərarası şuranın ali orqanı şura üzvlərinin ildə iki dəfə üzv ölkələrdə keçirilən iclasıdır.
Məqalə müəllifi ilə əlaqə ünvanı: [email protected]